Nafarroa Baik Eskumenen Batzordean proposatu du ikerkuntza zientifiko eta teknikoen eskumena eskatzea
(2009/Apirila/2)
   
 

Ampliar (eus)

Nafarroa Baiko bozeramaile Patxi Zabaletak proposatu zuen bezala, Nafarroako Gobernuko Eskumenen Batzordea bihar goizeko 9:30ean bilduko da, emateke dauden eskumen batzuen (trafikoa, INEMeko politika pasiboak, espetxe politika, ordenu publikoa eta elkarbizitza, etab.) inguruko harremanak, aldarrikapenak eta negoziazioak aztertzeko.



Era berean, Nafarroa Baik bilera eskatu zuen ikerkuntza zientifikoko eta teknikoko eskumena negoziazioak eskatzen hasteko, LORAFNAko 44. artikuluko 7. zenbakian jasotzen dena kontuan izanda.

Zabaletak gaur goizean adierazi duenez, “proposamen hau eratortzen da Euskadiko Autonomia Erkidegoan ezarritako aurrekaritik. Izan ere, eskumen horien zehaztasunak jasotzen dira bertan. Beraz, bada garaia Nafarroak ere eskumen hori eskatu eta dagozkigun eskumenak kudeatzeko”.